Report ni: Tita Jen Palomo Debaja
Naglab-ot tanan sa 404 ka pasaporte ang narekuber sa flat sang 65 anyos nga Chinese Employer sa North Point kaangot sa ginpatigayon nga anti loansharking-raid sang otoridad sa Hong Kong.
Dakop sa akto ang Intsik kag ang domestic helper sini sa anti-loan-sharking operation samtang naga pautang sa duwa ka Filipina nga naga edad 29 kag 37 anyos sa North Point, HK Island.
Gin aresto ang 65-anyos nga si Cheung sang mga officers halin sa Regional Anti-Triad Unit sang Hong Kong Island sa corner sang King’s Road kag Shu Kuk Street.
Kilala ang area bilang notorious nga meeting place sang mga loan sharks kag sang mga biktima, mainly foreign domestic helpers nga daku ang kinahanglan sang kwarta.
Arestado si Cheung sa kaso nga ” managing an unlicensed money lending business” kon sa diin taga lumapaw ang interest rates nga gina patong sa iya mga kliyente
Gindakop naman ang 41 anyos nga pinay domestic helper sa ginpatigayon nga search sa puluy-an sang amo nga Intsik sa kahilabtanan sini sa pag transaksyon sa mga manug utang nga OFWs.
Magluwas sa 404 ka pasaporte, nakumpiskar man sa flat sang Intsik ang mga bankbooks kg iban pa nga dokumento pareho sang working contracts, isa ka tablet kag $100,000 nga cash.
Sa pahayag sang spokeswoman sa raid, ginpatigayon ang anti-loan-sharking operation sang police sa codenamed nga “Sky Scroller kag Thunderbolt 18” matapos nakit-an sa rekord nga naga lab-ot sa 120% interest rate per annum ang gina charge ni Cheung sa iya pag pautang sa mga pinay, mas doble pa sa maximum limit nga 60% kag ginakuha man ni Cheung ang passports sang mga pinay bilang collateral.
Dugang pa diri, nahibaluan man nga ang illicit money lending ni Cheung naga operate na sa sulod sang 2 katuig kag target sini ang mga Filipino domestic workers sa Hong Kong Island.
May kaangtanan sa nakumpiskar nga mga dokumento, nagpanugyan si Consul Paulo Saret, Head sang Assistance To National Section sang konsulado sa HK nga likawan ang pagprenda sang pasaporte.
“Huwag mangutang, huwag naman magpautang, kasi yung iba nagpapautang. Kapag hindi na mabayaran, problemado na, mag-aaway na sila nung nangutang,”
Gindugang pa ni Saret nga indi option ang pasaporte agud mangin collateral sa pagpangutang.
“Hindi iyan ang solusyon, madudoble o matitriple ang problema mo once na isinangla mo na ang passport mo. Yung interest mo, 120% per annum. Paano mo mababayaran iyon? At pagdating ng oras, hindi ka maiisyuhan ng passport basta-basta”.
