Davao City- Anaa sa 41 ka mga pamilya sa managlahing lugar sa syudad sa Davao ang gi-abisohan nga mubakwit tungod sa hulga sa pagdahili sa kayutaan.
Kini human sa validation nga gilusad sa Davao City government housing team diin migula nga ang kayutaan sa lima ka istruktura sa syudad ang nihumok tungod sa mga suno-sunod nga paglinog sa milabay’ng mga semana.
Unang gisuta na ang Juario Village sa Maa ug DDF Village-Phase 5 sa Mandug.
Samtang nagpadayog ginasuta ang Old Smokey Mountain sa Carlos P. Garcia Highway kun Diversion Road sa Matina Pangi; Purok Damayan sa Barangay Buhangin; ug Purok 5 sa Barangay Baganihan sa Marilog.
Gibutyag ni Davao City Risk Reduction Management Office (CDRRMO) chief Alfredo Baloran nga ang lima ka mga area giila isip danger zones human sa mga paglinog sa Davao sanglit dako ang posibilidad sa pagdahili sa kayutaan.
Dugang ni Baloran nga 41 ka mga pamilya ang na-identify nga anaa sa delikado diin 15 niini anaa sa DDF Village ug Juario Village ning atong syudad.
RadyoMan Jason Amisola
