41 ka preso sa Lumbia City Jail, gibuhian

PC: RadyoMaN Nitz Arancon

Mokabat sa 41 ka mga preso sa Lumbia City Jail ang gibuhian sa korte kagahapon human gihusay ang ilang mga  kaso sa lain laing hukmanan dinhi sa Cagayan  de  Oro.

 

Kini ang gibutyag ni  Supreme Court Administrator Jose Midas Marquez nga mibisita kagahapon dinhi sa Cagayan  de Oro kay iyang gipangunahan  ang  re-launching  sa Justice on Wheels nga gipasiugda sa korte suprema.

 

Matud ni Marquez nga nakatabang pag-ayo ang Justice on wheels sa paghusay sa daghang mga kaso nga nagdasok sa lain laing mga hukmanan ning syudad.


 

Kay matud ni Marquez nga tungod sa kakulang sa ihap sa mga korte ning syudad, ilang gihusay ang ubang mga kaso sa mga preso sa Lumbia sulod sa Bus nga ilang gihimong korte ug gitawag nga Justice on Wheels.

 

Lakip sa re-launching sa Justice on Wheels kagahapon, gi-seminar usab sa mga official sa Supreme courts  ang mga official sa lupon taga pamayapa ning syudad kay ilang gitudloan unsaon nga mapadali ang husay sa mga reklamo nga gipasaka sa  lain laing korte sa tagsa tagsa ka mga barangay.

Facebook Comments