General Santos City–Patay ang usa ka 43 anyos nga lalaki human nga gidunggab sa wala pa mailhing suspek sa may Purok 15, Lanton, Apopong ning dakbayan sa Gensan alas 12:00 ang takna kaganinang tungang gabie.
Giila ang biktimang namatay nga si Richard Leonor 43, residenti sa Purok Malasin, Barangay Tambler, Gensan.
Una nang nakadawat ug report ang Police Station 2 nga adunay nahitabong pagpanunggab sa may Purok 15, Lanton Apopong mao nga gilayong girespondihan. Didto na nakit-an sa kapulisan ang biktima nga nagbuy-od na sa lugar.
Dali kining gidala sa Dr. Jorge Royeca Hospital apan gideklara kining dead on arrival sa iyang attending Physician. Sa karon padayon pang giimbistigahan sa kapulisan ang maong insidenti.
Facebook Comments
