43 anyos nga mag-uuma patay sa pagpamusil sa lungsod sa Kumalarang

Kumalarang, Zamboanga del Sur – PATAY ANG 43 ANYOS NGA MAG-UUMA HUMAN KINING GIPUSIL SA WALA MAILANG SUSPETSADO DIDTONG DAPITA SA Sitio Talaed, Brgy, Poblacion,Kumalarang, Zamboanga del Sur alas 9:08 kagahapon sa buntag.
Giila ang biktima nga si Javer Esmael Alyas Teboy, lumulupyo sa Sitio Tugop, Brgy.Poblacion, Kumalarang ning probinsya.
Sa inisyal nga imbestigasyon nasayran nga samtang naglingkod sa landahan ang biktima nga gipanag-iyahan ni Tuansi Mama nahimutang sa maong lugar, kalit kini nga gipusil sa wala mailang responsable gamit ang 12 gauge shotgun.
Nakahigom sa igo pinusilan ang biktima sa iyang wala nga bukton ug liog nga misangko sa hinanali nga kamatayon sa biktima.
Human sa pagpamusil nagbaklay lang ang mga suspek nga nisibat palayo sa dapit nahitaboan.
Blangko pa ang kapulisan sa motibo sa maong pagpamusil.

Facebook Comments