Maayon, Capiz – Patay ang 43- anyos nga magulang sang ini ang pulihan sang labo sang mismo mga utod sini alas sais y medya sang gab-i sa Brgy Maalan banwa sang Maayon.
Ginkilala ang biktima kay Roger Boluntad y Caballero nga gindeklarar nga dead-on-arrival sang gindangat sa Bailan District Hospital bangud sa gin- angkon nga madamo nga mga kapilasan sa lawas.
Arestado man sa ginpatigayon nga follow- up operation sang mga kapulisan ang mga suspek nga manghod sini nga ginkilala kanday Gerald, 25-anyos; Fernando, 29-anyos kag Piji Boluntad y Caballero, 35-anyos matapos ang mga ini ang boluntaryo nga nag-surrender sa punong barangay sang Manayupit, Maayon.
Suno sa inisyal nga imbestigasyon sang Maayon PNP, sakay sa motor halin ang biktima sa banwa sang Pilar upod ang asawa kag tatlo ka kabataan sang ini ang ginbanggaan sang mga suspek.
Nagluntad ang komprontasyon sa tunga sang mga ini nga ginsundan sang paglabo sang mga suspek sa biktima.
Ang daan nga hiligut-anon kag madugay nga pagdumtanay ang ginatudlo nga motibo sang kapulisan sa krimen.
Ginsiling sang hepe sang Maayon PNP nga si Police Lt. Mark Anthony Garcia, nga may yara sang away sa duta ang mag-utod.
