Nagdangat na sa 43 ka mga banwa kag ciudad sa Western Visayas ang ginakabig karon nga Election Areas of Concern.
Ini ang base sa datus nga ginpagwa sang PNP Regional office.
Suno kay Lt. Col. Joem Malong, regional police spokesman sa Western Visayas may 4 diri ang ginakabig nga under category red kag ini ang ginalakipan sang banwa sang Moises Padilla sa Negros Occidental, banwa sang Lemery, Calinog kag Maasin sa probinsya sang Iloilo.
Nahibaluan nga ang banwa sang Moises Padilla ang bag-o gin dugang sa category red, matapos ang insidinte sang pag patay kay Sangguniang Bayan Member Jolomar Hilario sang katapo sang rebelding New Peoples Army.
Samtang, yara sa Orange Category ukon makabig nga areas of immediate concern amo ang Culasi, Hamtic, Sebaste, Sibalom, Valderama kag San Remigio sa Antique; Tapaz, Maayon kag Cuartero sa Capiz; San Joaquin, Miag-ao, Tubungan, Igbaras, Alimodian, Janiuay, Lambunao, Leon kag Bingawan sa Iloilo, kag Toboso, Himamaylan, Isabela, Hinobaan, Kabankalan City sa Negros Occidental.
Yara naman sa Yellow Category amo ang New Lucena, Sara, San Dionisio and Estancia sa Iloilo, kag Calatrava, Don Salvador Benedicto, Escalante, EB Magalona, Silay City, Cauyan, Binalbagan, Hinigaran, La Castellana, Candoni, Ilog, Sipalay City sa Negros Occidental. / DYHB NEWSROOM
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
