[image: IFM 919 Logo (1).jpg]
Miabot na og halos 600 ka mga kaso na sa pagpamusil ang natala sa Soccsksargen region karong tuiga lamang base sa datus gikan sa Police Regional Office 12.
Nasayran nga may pinakadaghang ang natala gikan sa Cotabato Province nga miabot og 239 ka mga kaso.
Samtang gisundan kini sa South Cotabato nga anaa sa 114 na ang kaso dayon ang Sultan Kudarat Province na may 97 ka mga kaso.
Misunod sa talaan ang dakbayan sa Gensan kung asa anaa sa 60 ka mga kaso na ang nalista samtang sa Cotabato City mitala og 58 ka mga kaso ug sa Sarangani Province anaa sa 35 na ang gun related cases.
Sa kinatibuk-an anaa sa 603 ang mga kaso sa pagpamusil sa region 12.
Sa bahin usab sa mga nahimong biktima ang namatay anaa sa 438 ka mga indibidwal na gikan sa 689 nga nahimong biktima.
Pinakadaghan nga natala na biktima sa gun related incidents sa Cotabato Province na may 269 dayon gisundan sa Sultan Kudarat na may 117 ka mga biktima.
Sunod sa talaan na may pinakadaghang biktima ang South Cotabato na may 94 ka biktima dayon ang siyudad sa General Santos na may 72 nga biktima.
Misumpay ang Cotabato City na may 65 ka mga biktima dayon ang Sarangani province na may 38 ka mga biktima sa pagpamusil.
May mga suspek na ang napasang-atan na sad og mga kaso samtang may uban sad ang nagpabiling under investigation sa mga police units.
