General Santos City—Sikop pinaagi sa warrant of arrest ang usa ka bana nga itago lang sa pangalang Alias Jonathan, residenti sa dakbayan sa Gensan human nga gikasuhan kini sa iyang kaugalingong asawa pila ka bulan na ang nakalabay.
Sa pakighinabi sa RMN Gensan news team ngadto sa suspek gibutyag niini nga nag-ugat ang iyang kaso human nga iyang gipugos matud pa ang iyang asawa nga makighilawas ngadto kaniya.
Saysay pa sa suspek nga gikan sya sa abroad niadtong higayuna ug niuli sa Gensan tungod gimingaw sya pag-ayo sa iyang asawa gumikan sa dugay usab nga panahon nga tua kini sa abroad gusto unta niyang makighilawas, apan nag dumili ang nasampit. Ikalimang adlaw nga sige ug pamalibad kaniya ang iyang asawa didto na niya kini gipugos mao nga siya gikasuhan.
Una nang nadakpan ang suspek niadtong nakalabayng adlaw didto mismo sa Hall of Justice dihang iyang gisuta ang iyang kaso. Kasong rape in relation to RA 9262 ang kasong giatubang sa suspetsado kansa anaa karon balhog na sa silda sa Police Station 3.
