Hingpit nang gi-release sa Department of Labor and Employment kon DOLE 12 ayha paman mag bag-ong tuig niadtong nakalabayng semana ang P22 million pesos nga DOLE-TUPAD checks para sa sweldo sa 4,405 ka mga COVID-19 affected workers sa probinsya sa Sultan Kudarat.
Gipangunahan ni DOLE 12 Assistant Regional Director Arlene Bisnon kauban si DOLE-Sultan Kudarat Field Office Head Mary Jane Hoksuan ang pagrelease sa tseke sa mga Barangay Kapitan ug Treasurers sa mga nagkalain-laing lungsod sa probinsya sa Sultan Kudarat.
Sa datos sa DOLE 12 ang; Barangay Poblacion sa lungsod sa Kalamansig ang nakadawat ug P3,265,000.00 alang sa 653 beneficiaries; sa Brgy. Maligaya sa lungsod sa Columbio nakadawat ug -P935, 000.00 alang sa 187 beneficiaries; ang Brgy. South Sepaka sa lungsod sa Bagumbayan ang nakadawat ug P4, 350,000.00 alang sa 870 beneficiaries; Brgy. Kangkong sa lungsod sa Esperanza, nakadawat ug P4, 100,000.00 para sa 820 beneficiaries; Ang Brgy. Bayasong sa lungsod sa Lutayan nakadawat ug P4, 695,000.00 alang sa 939 beneficiaries; Samtang ang Brgy. Poblacion 1 sa lungsod sa Lebak, nakadawat ug P4, 680,000.00 alang sa 936 beneficiaries.
Subay sa Republic Act 11494 kon Bayanihan to Recover as One Act (BAYANIHAN 2) ang mga benepisyaryo sa DOLE-TUPAD ang makadawat ug P5,000.00 human sa 14 ka adlaw nga community work sa tagsa niini ka mga barangays.
