General Santos City—Nagpabilin pa karon sa Dr. Jorge Royeca Hospital ang biktimang si Ranolfo Watin Sapao, 45 anyos, residenti sa Sitio Lam Kanal, Barangay Malandag, Malungon, Sarangani Province kansa gibunalan ug alho sa iyang bayaw kaadlawon, kagahapong adlawa.
Sumala ni Ranolfo nga nag inum sila sa iyang bayaw nga si Ernesto Golindan, apan alas 12:00 ang takna sa tungang gabie midesisyon ang biktimang matulog apan bandang kaadlawon, siya minaog.Didto na kini gibunalan ug alho sa suspek uban sa anak sa nahisgutan, sa nagkandaiyang parti sa kalawasan.
Nakaangkon ang biktima ug ubay ubayng samad sa lawas ingon man sa iyang ulo nga bahin.
giangkon usab ni Ranolfo nga aduna na silay daang bangi sa iyang bayaw apan dugay na kining panahon.
Posibling nagdumot kaniya ang iyang bayaw maong nahimo niini ang paghapak kaniya ug alho. nasayran nga misibat ang mga suspek human sa insidenti.
