45-anyos nga barangay kagawad sang Lagdungan, Tapaz, patay; Ginapatihan nagsuicide!

98

Tapaz, Capiz- Patay ang isa ka barangay kagawad sang Lagdungan, Tapaz, Capiz matapos ini ang gina-alegar nagluthang sang iya kaugalingon.
Ang biktima ang nagapang-edaron sang 45 anyos nga nag-angkon sang patal nga pilas sa iya nga ulo.
Natigayon nga marekober sang mga otoridad ang isa ka unit sang . 45 caliber pistol, lima ka mga bala kag isa ka baseyo sang nasambitan nga klase sang pusil.
Nasapwan na gid lamang nga duguon sa sulod sang ila poluy-an ang biktima matapos nga makapila ka beses nga nagpanawag ang pamilya sini.
Ginapatihan nga ang ginabatyag sini nga depresyon ang isa sa kabangdanan nga nagtulod sa biktima nga utason ang kaugalingon nga kabuhi.
Nahibaluan nga bulagay na ang amo nga biktima kag ang asawa sini.

Facebook Comments