Roxas City, Capiz- Ginpahayag ni CPPO Provincial Director Col Julio Gustilo Jr nga dako ang mangin bulig sang mga gindonar nga units sang armalite rifle kag .9mm caliber pistol sang city government sa kapulisan sang Roxas City PNP.
Apang, antes sini kinahanglan anay nga may yara sang deed of donation kag ibutang sa accountability sang PNP antis nga liwat i-issue sang logistics division.
Gin-aprisyar man ni Gustilo ang pag-aprobar sang mga katapo sang city council kag pamunoan sang LGU sang Roxas City angut sa pagdonar sang mga pusil sa Roxas City PNP.
Welcome para sa pamunoan sang Capiz PPO ang pagkrear sang panibag-o nga grupo sang SWAT Team sang Roxas City PNP.
Ginpahayag ni Provincial Director Col Julio Gustilo Jr, magapaidalom anay sa screening ang mga PNP personnel nga kwalipikado nga mangin membro sang nasambitan nga elite team.
Suno kay Gustilo, kinahanglan nga dapat mentally kag physically fit ang isa ka membro para sa training sa sulod sang 45 ka adlaw tubtob sa apat ka bulan nga paghanas sa special weapon and tactics.
