Napunggan sang jailguard sang BJMP-Ungka ang tuyo kuntani nga pagpalusot sang empty sachets nga pulutsan sang shabu sa sulod sang bilangguan.
Ini matapos nakit-an sang guwadiya nga si SJO1 Jasmin Monteverde nga nasulod sa suludlan sang sud-an ang nasambit nga items nga tuyo ipalusot ni Arbie Jane Hermano, 32 anyos sang Benedicto, jaro.
Suno kay Arbie Jane nga ginsugo lamang siya ni alyas Onyok Gale nga madul-ong sang pagkaon kay Oliver Tubongbanua sa BJMP-Ungka kaina sang udto kag wala siya sang ideya nga may unod nga empty sachet ang suludlan sang pagkaon.
Magluwas sa empty sachets, nakumpiskar man kay Arbie Jane ang 2 ka aluminum foil.
Ginpamilit sang suspek nga inosente siya sa tuyo nga pagpalusot sang nasambit nga mga kontrabando. (sspunay)
