457 ka mga mangunguma sa Capiz, nagbaton sang land ownership titles!

Roxas City, Capiz – Kapin sa 457 ka mga mangunguma sa probinsya sang Capiz ang nagbaton sang land ownership titles.
Ini matapos nga personal nga gindistribwer ni Department of Agrarian Reform (DAR) Secretary lawyer John Castriciones ang kabug-osan nga 549 ka Emancipation Patents (EPs) kag Certificates of Land Ownership Award (CLOAs) sa mga farmer beneficiaries sang nakaligad nga Marso 29, 2019.
Suno kay Capiz DAR Provincial Officer Felix Servidad ang amu nga 549 EPs kag CLOA ang nagasakop sa kabug-osan nga 562.2 ektarya sang duta.
Maluwas sa CLOA, ginturn over man ni Catriciones ang mga service facilities kalakip ang tatlo ka units sang dump trucks kag isa ka unit traktora.
Samtang kadungan sini, pormal man ginlunsyar ang Convergence on Livelihood Assistance for Agrarian Reform Beneficiaries Project ukon CLAAP kadungan snag pagpirma sang Memorandum of Agreement sa tunga sang DAR, Capiz Governor Antonio Del Rosario, municipal mayors, opisyal halin sa Department of Social Welfare and Development kag Agrarian Reform Beneficiary Organization leaders halin sa Aklan kag probinsya sang Capiz.

photo © from web

Facebook Comments