Davao City – Sabay sa pag arangkada sa bulan sa Hulyo isip nutrition month, gipasidunggan sa lokal nga panggamhanan ang lima ka mga barangay sa syudad sa Davao gumikan sa hugot nga suporta niini sa programang panglawas.
Napili isip Top 5 Outstanding Barangay Nutrition Scholars ang Barangay Mahayag sa Bunawan District, Brgy. Malamba sa Marilog District, Brgy. 31 sa District D, Brgy. Talomo Proper sa Talomo South ug Brgy. Colosas sa Paquibato District.
Sumala ni Josephine Villafuerte, head sa Davao City Health Office, lima lang ang napili gawas sa 182 ka mga barangay sa syudad gumikan sa mga hugot nga criteria may kalabutan sa nutrition status sa nagkadaiyang barangay.
Karong adlawa, Hulyo 1, 2019, opisyal nga gi-ablihan sa lokal nga panggamhanan ang ika-45th Nutrition Month ilawom sa tema nga “Kumain nang Wasto at Maging Aktibo… Push Natin ‘to!”.
Gani gitanyag sa tibuok bulan sa Hulyo ang nagkadaiyang aktibidad nga panglawas mapa-eskwelahan o trabahuan alang sa mga Dabawenyo.
RadyoMaN Jason Amisola
