📸Maigo, MPS
Patay ang 46 anyos nga babae human nga gigol-gol ang iyang li-og sa kaugalingon niya nga igso-ong lalaki alas diez kapin kun kulang kagahapong adlawa sa may purok 3 Labu-ay, Maigo lanao del norte.
Giila ang biktima nga si Evilyn Dela Peña Dollier, samtang ang suspect giilang si Nolly Bakod Dela Peña, 60 anyos, igsuon sa biktima.
Subay sa impormasyon sa Maigo Municipal Police Station, sige na matud ug away ang magso-on mahitungod sa ilang pagkaon hinungdan nga wala na maka-agwanta ang suspect sa kasaba ug yawyaw sa igso-ong babae hinungdan nga napuno kini og mikuha og kutsilyo dayong gol-gol sa li-og sa biktima nga maoy hinungdan sa iyang hinanaling kamatayon.
Saksi mismo ang inahan sa duha nga si Mercedes Bakod Dela Pena sa maong panghitabo.
Samtang nasikop dayon ang suspect sa pinaagi sa gihimong hot pursuit operation sa kapulisan ug kasamtangan kining na-detained karon sa selda sa kapulisan sa Maigo samtang gihikay na ang kaso nga posibleng ipasaka batok kaniya.(Ghiner L. Cabanday, #RMNDXICIligan)
