Pormal nga ginrelease sang Department of Labor and Employment ukon DOLE 12 ang P2, 345,000.00 nga kantidad sang pondo sa DOLE Tulong Pangkabuhayan sa Ating Displaced/Disadvantaged workers sa mga benepisyaryo sa banwa sang Polomolok sang Disyembre 21 subong nga tuig.
Nagalab-ot naman sa 469 ka mga benepisyaryo sa nasambit nga banwa ang nakabaton sang financial assistance.
Yara sa nasambit nga aktibidad si DOLE 12 Regional Director Raymundo Agravante upod si Assistant Regional Director Arlene Bisnon, LGU-Polomolok Mayor Honey Lumayag-Matti kag Board Member Mon Matti.
Ang nasambit nga emergency employment assistance ang nangin posible paagi sa inisyatibo kag pondo halin sa Office ni Senador Christopher Lawrence “Bong” kaupod ang Local Government Unit of Polomolok.
May-angot sini, nakabaton man sang food packs, multivitamins, face masks kag face shields ang mga benepisyaryo kag ang maswerte nga recipients ang nakabaton man sang 15 ka mountain bikes kag 15 tablets paagi sa raffle.
Samtang ang mga kwalipikado nga benepisyaryo ang apektado sang COVID-19 pandemic nga halin sa Dolefil, B-Meg, ambulant vendors, tricycle drivers, kag freelance artists sa banwa sang Polomolok.
