Polomolok, South Cotabato–Pormal na nga gi-release sa Department of Labor and Employment kon DOLE 12 ang P2, 345,000.00 nga kantidad sa pondo sa DOLE Tulong Pangkabuhayan sa Ating Displaced/Disadvantaged workers sa mga benepisyaryo sa lungsod sa Polomolok sa Disyembre 21 karon nga tuig.
Mukabat usab sa 469 ka mga benepisyaryo sa maong mga lungsod ang nakadawat ug financial assistance.
Nitambong sa maong aktibidad si DOLE 12 Regional Director Raymundo Agravante kauban si Assistant Regional Director Arlene Bisnon, LGU-Polomolok, Mayor Honey Lumayag-Matti ug Board Member Mon Matti.
Ang maong emergency employment assistance ang nahimong posible pinaagi sa inisyatibo ug pondo gikan sa Office ni Senador Christopher Lawrence “Bong” Go uban ang Local Government Unit of Polomolok.
Kalabutan niini, nakadawat usab ug food packs, multivitamins, face masks ug face shields ang mga benepisyaryo ug ang maswerte nga recipients ang nakadawat ug sa 15 ka mountain bikes ug 15 tablets pinaagi sa raffle.
Samtang ang mga kwalipikado nga benepisyaryo ang apektado sa COVID-19 pandemic nga gikan sa Dolefil, B-Meg, ambulant vendors, tricycle drivers, ug freelance artists sa lungsod sa Polomolok.
