General Santos City—personal nga bingkil maoy gitudlong motibo sa Malungon Municipal Police Station sa pagpangulata ug pagtigbas sa suspek ngadto sa usa ka 47 anyos nga lalaki sa may Sitio Talisay, Barangay Talus, Malungon, Sarangani Province.
Giila ang biktima nga si Calexto Albina , 48, residenti sa nasampit nga lugar.
Subay sa report nasayran nga alas 9:00 ang takna sa gabie samtang nakig-inum ang biktima sa iyang amigo sulod sa Barangay Gym sa maong Barangay kalit lang miabot ang suspek nga si Samson Domingo, 37 anyos, residenti gihapon sa maong barangay.
Iyang gisumbag ang biktima dayon gisundan ug tigbas pila ka higayon igo sa nagkandaiyang parti sa iyang lawas.
Gilayon nga gidala sa ospital ang biktima kansa anaa karon sa talandugong kahimtang. Sa karon padayon ang gihimong imbistigasyon kalabutan sa insidenti.
