Inaasahang aabot sa 47°C ang heat index o damang init sa Dagupan City, Pangasinan at Aparri, Cagayan bukas.
Base sa huling monitoring ng PAGASA-DOST, nasa 33 pang lugar ang makakaranas ng delikadong lebel ng heat index kabilang ang Laoag City, Ilocos Norte; Tuguegarao City, Cagayan at Butuan City na posibleng makapagtala ng 45°C na heat index.
Habang 44°C naman sa NAIA, Pasay City; Batac, Ilocos Norte; Bacnotan, La Union; Echague, Isabela; Iba, Zambales; Subic Bay, Olongapo City; Sangley Point, Cavite; Ambulong, Tanauan Batangas…
Gayundin ang San Jose, Occidental Mindoro; Puerto Princesa City, Aborlan at Cuyo, Palawan; Roxas City, Capiz; Iloilo City; Dumangas, Iloilo at Dipolog, Zamboanga Del Norte.
Samantala, nasa 43°C naman ang posibleng damang init sa Science Garden, Quezon City; Sinait, Ilocos Sur; Casiguran, Aurora; Alabat, Quezon; Calapan, Oriental Mindoro; Coron, Palawan at La Carlota, Negros Occidental.
Habang 42°C naman sa Calayan, Cagayan; Bayombong, Nueva Vizcaya; Muñoz, Nueva Ecija; Baler, Aurora; Virac, Catanduanes; Mambusao, Capiz at Catarman, Northern Samar.
