Nakalista sang dugang nga 47 ka bag-o nga kaso sang COVID-19 sa Western Visayas ang DOH-6 subong nga Miyerkules, Hulyo 22.
35 sa mga ini ang lunsay taga-Negros Occidental, 4 ang taga-probinsya sang Iloilo, 4 man ang taga-siyudad sang Iloilo, 2 ang taga-Capiz kag 1 ang taga-Bacolod City.
Sa probinsya sang Iloilo, ang apat nga nagpositibo ang taga-banwa sang Maasin, Tubungan, Batad kag Oton samtang sa siyudad sang Iloilo, tatlo ang taga-Lapuz, isa ang taga-Mandurriao kag isa ang taga-Jaro.
Naglab-ot na sa kabug-usan nga 857 ang kaso sang COVID-19 sa rehiyon 6 kon sa diin 322 ang active cases, samtang nakarecover naman ang 519 kag 16 ang mga napatay.
Kalakip sa nagpositibo sa COVID-19 ang isa ka anum ka bulan nga lapsag nga taga-Murcia, Negros Occidental.
