Naglab-ot sa 48 ka mga pamilya sa Barangay Poblacion, Polomolok, South Cotabato ang apektado sang flash floods tungod sa pagbubo sang mabaskog nga ulan sang tinalikdan nga adlaw.
Base sa ila nga Rapid Damage Assement and Needs Analysis suno kay Provincial Disaster Risk Reduction and Management Action Officer Mila Rivera, yara sa 9 ka mga puluy-an ang totally damage kag tigayon man nga naguba ang flood control structure sa nasambit nga lugar.
Nagalab-ot naman sa P200, 000.00 ang natuga nga danyos sang nasambit nga flashflood incident.
Ginarekomendar naman ang pagrelocate sang mga pamilya nga totally damage ang puluy-an sa diin nahamtang sa tuman ka delikado nga area.
Ginkumpirmar man ni Maam Rivera nga tigayon naman sila nga naghatag sang ayuda sa mga apektado nga mga residente sang nasambit nga kalamidad.
May-angot sini, ginaapela ni Maam Rivera sa mga pumuluyo partikular na sa mga yara sa area nga masami ginabaha nga mangin alerto kag kon nag-isyu na sang advisory ang Municipal Disaster Risk Reduction and Management Council mamati gid. photo credit to: PDRRMO South Cotabato
