General Santos City–Gi-angkon ni Gensan City Councilor Jeng Gacal, Chairman sa komitiba sa finance sa konseho nga wala pa gyud ma-aprubahan ang mukabat sa 48 milyones ka pesos nga budget para sa duha ka bulan nga sweldo sa mga Barangay Covid Control Forces kon BCCF.
Pamahayag niini nga makapila na nga committee hearing ang ilahang gipahigayon apan wala mitumaw si Dr. Bong Dacera, Action Officer sa City Disaster Risk Reduction And Management Office aron nga ipasabot kanila ang maong budget hinungdan nga kini na lay on the table.
Dugang pamahayag ni Kag. Gacal nga gawas sa 48 milyones ka pesos para sa duha ka bulan nga sweldo sa BCCF, adunay daghang budget ang ilahang na-prubahan ug dunggon para sa second reading.
Apil na niini ang para sa hazard pay sa mga frontliners dihang gipa-ilalom sa enhanced community quarantine ang Gensan subay sa circular nga gipakanaug sa Department of Budget and Management DBM ug alyon sa “We Heal As One Act”.
Pagpaklaro ni Gacal nga gikan Mayo Uno hangtud sa karon, wala nay nadawat nga hazard pay ang mga frontliner gumikan wala silay mamahimong basehan tungod wala kini pagtugot gikan sa nasyunal nga panggamhanan.(LVR)
