48th Datu Bago Awards

21

Davao City – Isip pag-ila sa mga Dabawenyo nga adunay dakong kontribusyon alang sa kalamboan sa dakbayan, gihatagan og Datu Bago Award ang pito ka mga indibidwal subay sa selebrasyon sa ika-81 Araw ng Dabaw diin mismong si Davao City Mayor Inday Sara Duterte-Carpio ang nangulo sa confernment. “Datu Bago Awards is a way of Recognizing men and women who like chieftain Datu Bago made exemplary selfless contributions to the to our community may it be in education, fine arts, peace building, environmental protection, community development and social services have improve the Dabawenyos life throughout the years,” pagpasabot ni Davao City Mayor Inday Sara Duterte-Carpio. Atol sa ika-48th Conferment sa Datu Bago Awards, giila sila si Norma Javellana tungod sa pagpangulo niini sa Greenhills Homeowners’ Association ug sa Barangay Ma-a Federation of Homeowners’ Association kinsa nagmontar og greenspaces ug nagprotektar sa Shrine Hills. Belen Laud, nagpalambo sa ekonomiya sa Dabaw pinaaghi sa dakong contibusyon sa kooperatiba kinsa nakalingkod na sa nuwebe ka mga nagkadalain-laing koopratiba sa pipila ka termino. Aland David Mizell, usa ka American social scientist, kinsa nagpuyo og pipila ka dekada sulod sa Davao ug nangulo sa Minority Care International (MCI) nga nagahatag og benepisyal nga programa alang sa marginalized youth. Ricardo N. Obenza, Jr., usa ka environmentalist, artist ug teacher, kinsa gitugyan iyang 40 ka tuig sa kinabuhi aron maprotektahan ang kinaiyahan pinaagi sa paintings. Giila pod si Beethoven N. Sur, usa ka Philippine Coast Guard Auxilliary (PCGA) District Director, kinsa nag-organisa og pipila ka programa ug aktibidad sama sa relief operations, tree planting ug reef growing, coastal clean-up, development sa ports ug Oplan Ligtas Biyahe. Niteto L. Vitto, kinsa giila isip Father of Special Education sa University of Southeastern Philippines (USEP) ug si Bro. Carlito M. Gaspar, kinsa dakong tabang ang pagsulat og libro aron makab-ot ang kalinaw sa syudad. “May you continue to blaze the trail in your areas of expertise and inspire countless others to follow your example. Indeed life is here in Davao City not just because of the resources but because we have been blessed with because of the Davaoeños like you,” dugang ni Mayor Sara. Kahinumduman kaniadtong Marso 9 gideklara si Datu Bago isip bayani sa syudad sa Davao. RadyoMaN Jason Amisola tags: dxdc 621 davao

Facebook Comments