Lamdag Parada sa Araw ng Dabaw

23

Davao City – Nagpabiling positibo ang mga Dabawenyo luyo sa nahitabong katalagman sa syudad. Niadtong bulan sa Disyembre gikansela ang pipila ka mga events sa Pasko Fiesta gumikan sa nasinating pagbaha ug pagkasunog sa NCCC Mall of Davao. Apan sama pa sa panultihon nga ‘the show must go on’, gipahigayon na gayod ang lamdag parada ug banda dasig competition niadtong Marso Tres diin gipartisipahan kini sa pipila ka mga eskwelahan sa rehiyon. Ang banda dasig adunay open category nga gisalmotan sa 9 ka mga contestants samtang ang elementary category adunay 14 entries. Nagpabonggahay sa drum and bugle ang maong mga contestants diin adunay gipahigayon nga parada gikan sa dalang Roxas padulong sa San Pedro Square diin gipahigayon ang contest proper. Alang sa Elementary Category nakadaog ang Magallanes Elementary School ug midawat kini og 100 thousand pesos , 2nd Placer mao ang Catalunan Pequeño Elementary School ug midawat kini og 70,000 pesos samtang 3rd Placer mao ang Buhangin Central Elementary School nga midawat og og 50,000 pesos cash prize. Alang sa Open Category kampyeon mao ang Catalunan Pequeno National HS nga midawat og 100,00 pesos cash 2nd Placer ang Davao Blue Eagle Community Band nga midawat og 70,000 pesos ug 3rd Placer ang Jose Maria College nga nakadawat og 50,000 pesos. Atol sa maong competition nagpabonggahay sab ang unom ka mga contestants alang sa Lamdag Parada diin nag disenyo kini og mga gigantic stars ug uban pang simbolo nga murepresentar sa Davao City sama sa Mt. Apo, Durian ug uban pa. Alang sa Lamdag Parada nakadaog si Abondio Camarillo Jr. nga nakadawat og 3000,000 pesos 2nd placer mao ang Propz Avenue 150,000 pesos ug 3rd placer mao si Christian Lubon nga nakadawat og 100,000 pesos. RadyoMaN Abi Bibera tags: dxdc 621 davao

Facebook Comments