49 nga pasahero ha nalunod nga motor banca, narescue na

TACLOBAN CITY – Narescue na han magkadurudilain nga rescue team an 49 nga pasahero han motorbanca apil na dinhi an crew members han malunod ini ha kadagatan han barangay Aguit-itan, Calbayog City Samar kanina, August 12.

Gindumara an search and rescue operations ha pinag-usa nga pwersa han Coast Guard station Western Samar Quick Response Team, City Disaster Risk Reduction and Management Council (CDRRMC) ngan Philippine National Police (PNP) Maritime Group.

Narescue an 42 nga pasahero ngan pito nga crew members ngan gindara hira ha Calbayog City.


Nagawas ha imbistigasyon nga lumarga an MB MIAR ROMCIS ha Calbayog City tipakadto ha Tagapul-an, Samar nga mayada kahirayo nga 100 meters pero an sarakyan pandagat in ginkatapo han dagko nga balud ngan makusog nga hangin rason han kalunod hini.

Safe na an ngatanan nga pasaheros.

Facebook Comments