Giklaro karon sa 4th Infantry Division kon 4ID nga wala silay planong musulod sa mga mga unibersidad sa Northern Mindanao.
Sa interview sa RMN Malaybalay ngadto kang 1st Lieutenant Tere Ingente, tigpamaba sa 4th Infantry Division komn 4ID, gibutyag niini nga alarming na kaayo nga adunay mga minor de edad ang gipang-recruit sa mga New Peoples Army kon NPA ug dako ang posibilidad nga walay kasayuran ang pipila ka mga ginikanan niini nga na-recruit na ilang mga anak sa walhong grupo aron kontrahon ang gobyerno.
Sigun ni Ingente ilang girespito ug dili sila mosulod sa pipila ka mga unibersidad dinhi sa Northern Mindanao tungod kay sagad sa mga tunghaan adunay gipatuman nga “a school is a zone of peace” ug dili makasulod ang sundalo tungod kay adunay dala nga mga armas.
Samtang karon pa lang daan hugot nga gikontra ug gikondena sa League of Filipino Students kon LFS Northern Mindanao Region kung musulod man ugaling sa sa mga unibersidad ang mga sundalo.
Sa interview sa RMN ngadto kang Kristine Cabardo, ang chairperson sa LFS-NMR gibutyag niini nga nabalaka sila tungod ka yang mga SUC’s gi-ila nga adunay academic freedom ug adunay usay kamanduan ang Department of Education No. 44.
