Davao City – Giklaro karon sa Department of Social Welfare and Development (DSWD) ang budget nga madawat sa mga benepisyaryo sa Pantawid Pamilyang Pilipino Program (4Ps).
Sa interbyu sa DXDC RMN Davao kang Florame Espada, Information Officer sa DSWD-XI, gikumpirma niini nga balig duha ka bulan ang angay madawat sa 4Ps beneficiaries sa matag payout apan nagdepende kini sa assessment subay sa pag-comply sa mga beneficiaries sa mga rekisitos sa programa.
“Naa man goy mga reasons behind didto sa system nato nganong kana lang iyang nadawat, nganong gamay lang. But suppose to be 2 months gyud dapat ang madawat sa mga beneficiaries, nagdepende sa ilahang mga compliant report,” saysay ni Espada.
Saysay ni Espada nga pipila sa mga rason nganong gamay lamang ang madawat sa 4Ps beneficiaries mao ang school attendance sa bata, mga ginakanan nga wala mi-attend sa development session ug uban pa.
Mamahimo sumala pang mangutana ang mga benepisyaryo sa ilang mga Municipal Links (ML) aron mapasabot kanila ugaling adunay silay pangutana sa budget nga ilang nadawat.
Dugang sa opisyal nga matag bulan ilang ginamonitor ang mga benepisyaryo sa programa sa pagkig-alayon sa ilang mga partners nga mao ang Department of Education (DepEd) ingon man ang Department of Health (DoH).
RadyoMaN Kirby Manzon
