4ps cash kinahanglan

27

Davao City – Usa ka manindahay og puto si Misis Geraldine Sentorias ug mao lang kini ang iyang gisaligan aron maka-kaon, makatungha,ug makapalit sa panginahanglon sa iyang mga anak.

Apan dili paigo ang halin sa puto aron masustintohan ni Geraldine ang pag-eskwela sa iyang mga anak bisan og nagtungha sila sa pampublikong tulonghaan.


Busa dakong tabang sa panginahanglon sa pag-eskwela sa mga anak ni Geraldine ang conditional cash transfer kun 4P’s program sa nasudnong gobyerno pinaagi sa DSWD.

Maong dakong supak ang maong Ginang nga i-convert og bugas ang kwarta nga ihatag ngadto sa mga benepisaryo sa Pantawid Pamilyang Pilipino Program kun 4P’s program sa panggamhanan.

Gipasabot niini nga mas maayo kun kwarta ang itunol sa gobyerno ngadto kanila inay nga bugas hilabi pa nga dili masiguro ang kalidad kun humot ba o baho ang bugas nga ilang madawat.

Nasayod si Geraldine nga dunay mga benepisaryonga gihimong collateral sa ilang mga utang ang ATM sa cash transfer diin nahimong makaluluoy ang mga bata kay wala nila ma-enjoy ang programa.

Busa gihingusgan ni Geraldine nga kadtong gapangabuso sa 4P’s program ang wad-on ug tanggalon isip benepisaryo inay nga bugas ang ayuda sa gobyerno ngadto kanila.

Nasayran nga nakalusot na sa 2nd reading sa senado ang balaod nga mag-convert sa kwarta ngadto sa bugas hatud sa isyu nga wala magamit sa sakto sa mga ginikanan ang ayuda sa gobyerno alang sa ilang mga anak.

RadyoMaN Joel Viray

Facebook Comments

From Advertisers