Drug den sa Mati na-dismantle, usa ka minor na-rescue

48

Davao City – Na-dismantle ang usa ka drug den sa Baliwan 3, Barangay Central, Mati City, Davao Oriental atol sa gikasang anti-drug operation sa Mati City Police ug PDEA-XI niadtong Oktubre 10, alas-10:30 sa kagabhion.

Mga dinakpan mao ang magtiayon nga sila Ricky Matundo, Rosemarie Matundo, Ricky John Matundo, Jimboy Salatandre, Russel Matundo ug John Lee Garcia.


Sa maong operasyon na rescue usab ang usa ka minor.

Nakuha sa drug den ang lima ka gituohang sachet sa shabu nga dunay hibugaton nga 12 gramos nga mokantidad og 144,000 pesos.

Ang mga dinakpan anaa na sa Mati City Police Station ug mag atubang kini og kasong paglapas Republic Act 9165 kon Comprehensive Dangerous Drugs Act of 2002 samtang ang minor gi-turn over na sa Quick Response Team for Children’s Concern sa Mati Police.

RadyoMaN Abi Bibera

Facebook Comments