Nagpahimangno ang Provincial Health Office kon PHO-Bukidnon sa publiko kalabot sa sakit nga dengue.
Sa interview sa RMN Malaybalay ngadto kang Dr. Ricardo Reyes, ang provincial health officer gibutyag niini nga karong ting-ulan na kinahanglang bantayan sa katawhan ang mao nga sakit tungod kay laumang mudaghan ang kaso niini tungod sa pagdaghan sa lamok.
Alayon ninii ,gipahinumdom sa PHO sa publiko ang 4S strategy aron malikayan ang pagtaas sa kaso sa dengue.
Una ang Search & Destroy – Pangitaion ug gub-on ang mga lugar nga gi-itlogan sa lamok.
Ikaduha, ang Self-protection- Protektahan ang kaugalingon gikan sa lamok, mas makaayo matud pang magsuot ug long sleeve ilabina sa mga lugar nga daghan ug lamok. Mamahimo usab nga mugamit sa mosquitto repellant.
Ikatulo, ang Seek early consultation. Matud ni Dr. Reyes nga magpatan-aw gilayon sa doctor ugaling makitaan sa sintomas nga dengue fever sa taas-ubos nga hilanat sa sobra sa duha ka adlaw, rashes ug pagdugo.
Ug ang ika-upat, mao ang say ‘yes to selective fogging. Dili matud pa basta muhimo sa fogging apan mamahimo usab daw kini panahon kung gikinahanglan ilabina kung aduna nay outbreak.
Aduna matud pay duha ka fogging machine ang PHO nga pwedeng gamiton sa kalungsuran sa Bukidnon kung gikinahanglan.
