Nanghinaut ang 4th Infantry Division, Philippine Army nga mahimong seryoso ang Communist Party of the Philippines – New Peoples Army kon CPP – NPA kung subling ibalik ang peace talk kon hisgutanang pangkalinaw.
Sa interview sa RMN Malaybalay ngadto kang Major Reggie Go, ang chief sa Division Public Affairs Office sa 4th ID gibutyag niini nga para sa kaayuhan sa tanan ang peace talks.
Matud ni Go nga tumong ug pangandoy sa gobyerno nga mahuman na ang problema sa insurhensiya sa nasud.
Sigun niya nga suportado nila ang mao nga lakang sa administrasyon Duterte apan nanghinaut usab kini nga unta seryosohon sa walhong grupo kung hingpit man nga ibalik ang peace talk.
Gitumbok ni Major GO nga nahimo nang leksyon ang nahitabo kaniadtong nakalabay nga peacetalks nga samtang gideklara ang unilateral ceasefire apan padayon ang gihimong extorotion ug pagpangatake sa mga NPA batok sa mga kasundaluhan.
Gisaway usab niya ang maong mga binuhatan sa mga NPA.
Gisuta usab Go nga dili makab-ot ang kalambuan sa usa ka dapit kung walay kalinaw.
