Davao City – Pipila ka mga netizens ang mipadayag sa ilang nabati nga pagtay-og tungod sa 5.2 magnitude nga linog sa Digos City, Davao del Sur alas-7:18 kagabii, Enero 31, 2020 nga nagbaton og 28 kilometros nga gilawmon, diin sa susamang oras miigo sab ang 4.9 magnitude nga linog sa Kiblawan area sa maong probinsya.
Sa post sa DXDC 621 RMN Davao Facebook page, mi-comment si Mi Cah ug Genie May nga nabati niini dinhi sa Davao ang linog. Samtang, gibutyag ni Meriam Juaton nga kusog nga pagtay-og ang nabati niini sa Davao del Sur.
Kusog sab ang nabati nga linog ni Irine Sangguyan sa Don Marcelino, Davao Occidental ingon man ni Emme Lei sa North Cotabato.
Samtang, hinay ra usab nga pagtay-og ang nabati ni Rezy Yamas sa Maco, Davao de Oro.
Sa 5.2 magnitude nga linog, nabati ang Intensity II sa Don Carlos, Bukidnon.
RadyoMaN Kirby Manzon
