South Cotabato — Parehong angol ang mga drivers ug mga sakay sa duha ka motorsiklo kansa nagbanggaanay sa may Barangay Poblacion Norala niadtong nakalabyang adlaw.
Gimanihuan sa usa ka Demers Bustamante Caguing, 27, minyo, PNP member ang usa ka Mio 125 nga motorsiklo samtang angkas niini ang usa ka Rizza Nadine Palomo Caguing, 26, DepEd employee ug susamang mga residente sa Esperanza, Sultan Kudarat.
Gimanihuan usab sa usa ka 15-anyos nga si Angel May Padernal Getilano ang usa ka Skygo 125 nga motorsiklo samtang angkas niini ang duha ka tuig nga bata nga si Prince Martian Amar Getilano ug Railyn Getilano Amar, 25 anyos, pulos mga residenti sa Purok Rizal, Barangay Dumaguil, Norala.
Sa report sa Norala PNP, naglawig ang mga biktimang sila Getilano sa provincial road gikan sa Barangay Dumaguil dihang kalit miliko sa wala nga bahin sa may sa intersection hinungdan nga nabanggaan nila ang motorsiklong gimanihuan ni Caguing.
Susamang natumba ang duha ka mga motorsiklo nga miresulta sa pagkaangol sa mga sakay niini.
Gilayon man nga gidala sa Norala District Hospital ang mga samdan samtang gibalhin ngadto sa Esperanza Hospital sa Esperanza, Sultan Kudarat ang mga biktimang silang si Demers ug Rizza.
