South Cotabato – samang nadala sa ospital ang lima ka mga biktima sa pagpanigbas nga natigayon sa Sitio Kolondatal, Barangay Lampitak, Tampakan, South Cotabato niadtong nakalabayng adlaw.
Mga samdan giilang silang si Carlo Telo Malayon, 18, single, Rosela Telo Malayon, 24, Leizel Telo Malayon, 16, ug Antonio Liroy Malayon, 45, pulos residente sa samang lugar. Suspek sa krimen mao silang si Richard Dayem Mending, 27, ug Carding Taka, residenti gihapon sa samang Barangay.
Sa inisyal nga imbistigasyon sa Tampakan Municipal Police Station nasuta nga gisulong sa duha ka mga suspek ang mga biktima ngadto sa ilang panimalay.
Nahitabo ang panaglalis nga misangko ngadto sa pagpanigbas. Unang gitigbas ni Richard ang biktimang si Carlo apan nakabalos ang nasangpit, didto na mitabang ang suspek nga si Carding. Natigbasan usab ang uban pang biktima human nga miuwang sa nagtinigbasay.
Paspas nga misibat ang duha ka mga suspek, samtang mga biktima gidala gilayon sa pinakaudol nga ospital human nakaangkon ug mga minor nga samad. Sa karon padayon ang gihimong imbistigasyon sa kapulisan kalabutan sa insidenti.
