Naka hi-agom karon ug bun-og sa kalawasan ang usa ka bata nga biktima human kini gikulata didto sa may Brgy. Manaol, lungsod sa Siocon.
Nagpangidaron ug 5 anyos ang nahimong biktima sa pagpamun-og nga kung diin naila usab ang nagmaltrato sa maong bata nga si Dadang Ebarle, hingkod ang pangidaron, residente sa nahisgutan nga dapit.
Matod pa ang suspetsado ge gamhan kini sa ilimnong makahubog hinungdan nga napasipad-an ang nahisgutan nga bata.
Saysay pa sa biktima, nga kanunay siyang maltratuhon sa iyang ante panahon nga kini mahubog.
Nakaangkon ug mga bun-og ug minor injuries ang biktima, dali usab kining gidala sa balay tambalanan partikular sa Siocon Rural Health Unit alang sa medikasyon.
Samtang ang suspek gidala sa kapulisan didto sa ilang buhatan human kini nasikop aron mapasakaan ug tukmang kaso.
