Gin-abduct sang tatlo ka mga kalalakin-an nga lunsay naka-bonnet ang duha ka pamatan-on nga lalaki sa barangay general luna, barotac viejo, iloilo.
Ang mga biktima amo ang mag-utod nga Nelmar mosin, 20 anyos kag ang 15 anyos sini nga manghod .
Ginpahayag ni Police Chief Inspector Joven Arevalo, hepe sang Barotac Viejo PNP nga mga alas 5:30 kahapon sang hapon sang ginsulod sa ila balay ang mga biktima kag ginpangita ang ila amay nga si Marconi Amosin.
Subong man, bangud nagdalagan palayo ang ila iloy nga si Amelita Amosin kag nagpangayo bulig sa mga pulis, nagpalagyo man ang mga suspek kag gindala sang mga ini ang mag-utod.
Suno kay arevalo nga ginalantaw nila nga motibo sa nasambit nga insidente amo ang pagtimalus bangud suspek sa kaso nga pagpangluthang ang amay sang mga biktima.
Sa karon padayon nga ginapangita sang mga pulis ang mga suspek nga nagdala sa mag-utod.
