General Santos City—Patay ang 5 anyos nga anak sa magtiayong Police human natuok ang liog ug usa ka tali sulod mismo sa play roon sa ilang panimalay sa usa ka barangay dinhi sa Gensan.
Sumala ni Police Sr. Inspector Robert Fores, deputy Chief of Police sa Police Station 2 nga basi sa ilang gihimong imbistigasyon nasuta nga na-abtan nalang sa inahan sa biktima ang bata nga nag buy-od na ug wala nay kinabuhi human nga natuok ang liog niini ug tali.
Paspas nga gidala ang biktima sa pinakaduol nga ospital apan gideklara na kining dead on arrival.
Sumala ni Fores nga sa ilang tan-aw dili kaya sa bata nga gihigot ang tali sa bintana nga bahin dayon ibutang sa iyang liog, posible matud pa nga hinimuan kini sa dakong tawo.
Tungod niini walay laing gidudahan ang kapulisan kon dili ang katabang nga 17 anyos kansa mao ray kauban sa biktima ug sa manghod niini nga 3 anyos tungod ang ilang mga ginikanang police ang dungan man nga nagaduty.
Tiyorya ni Fores nga posibleng dili intension sa suspek nga patyon ang biktima sanglit posible matud pa nga iya lang kining gitali pero aksidenti kini nga natuok nga hinungdan sa iyang kamatayon.
Sa karon naghimo na ug makuting imbistigasyon ang kapulisan kalabutan sa maong insidenti ug ila pa karon nga gina-awhag ang ginikanan as bata nga ipailawom sa utopsiya ang lawas niini para masayran gyud ang hinungdan sa kamatayon niini.
