General Santos City—Nakabsan gyud ug kinabuhi ang 5 anyos nga bata nailang si Rendear Caudon Milan, nga taga New Society, Apopong, Gensan samtang samdan ang usa pa ka bata nga si John Loue Vista, 2 anyos nga taga Barangay Apopong Gensan human nadat-ugan ug piso Net Machine sa may satellite market sa Barangay Apopong, Gensan alas 8:40 ang takna sa gabie.
Matud sa amahan sa biktimang si Reander nga si Randy Milan, igo lang nagdula ang iyang anak uban sa iyang mga amigo tapad sa maong piso net machine nga gipanag-iyahan sa 4DR store dihang kalit lang kining natumba mao nga nadat-ugan ang duha ka mga biktima.
Gidali pa niining dala sa clinic ang iyang anak dayon gideretso sa Dr. Jorge Royeca Hospital apan nakabsan gyud kini ug kinabuhi, samtang ang kaubanan sa biktimang 2 anyos ang gilayong nakagawas sa hospital tungod mga minor lang nga samad ang naangkon niini.
Sa karon panawagan sa pamilya ngadto sa nanag-iya sa maong machine nga tubagon nag gastohanan sa pagpalubong sa ilang anak hilabi nga nga sa ilang tan-aw adunay kapabayaan ang nanag-iya niini tungod wala nila gisecure ug maayo ang maong machine aron nga dili matumba.
