Davao City – Patay ang tricycle driver nga detinado sa Presinto Dos kansa supect sa pagpanglugos sa 5-anyos nga bata human giingong nangilog og armas sa police alas-10:20 sa buntag adlaw’ng Miyerkules, Disyembre 12, nahitabo sulod San Pedro Police Station ning siyudad.
Base sa report gikan San Pedro PNP, naila ang napatay nga si Eduardo Cecondes, 41-anyos, nagpuyo sa Kasilak Bucana, Brgy. 76-A ning siyudad.
Matud pa samtang gipailawom sa Automated Fingerprint Identification System (AFIS) ni PO1 Estecomen ang suspek, kalit gihulbot niini gikan sa likod sa pulis ang armas apan nabantayan kini ni Police Officer 1 Argen Ayao, WCPD officer, gani gipusil ang suspek tumong sa to-o nga bahin sa dughan niini.
Daling gitabang ug gidala ang suspect paingon sa Southern Philippines Medical Center (SPMC) aron maluwas apan deklaradong patay na kini.
Samtang naglusad na og imbestigasyon ang SOCO sa maong panghitabo diin narekober ang tulo ka basiyo sa bala sa kalibre .9mm, finger print card, armas ni PO1 Ayao nga dunay magazine ug upat ka bala lakip ang armas usab ni PO1 Estecomen nga kalibre .9mm, usa ka magazine ug 16 ka mga bala.
RadyoMaN Don Pulayao
