Arestado ang lima ka mga drug offenders sa ginpatigayon nga seach kag buy-bust operation sang Philippine Drug Enforcement Agency ukon Pdea 12 sa Maasim , Saranggani Province kagTacurong City, Sultan Kudarat.
Sa ginpatigayon nga buy–bust operation sa Purok Rosas, Brgy. Buenaflor, Tacurong City pasado alas 7:00 sang gab-i sang Nobyembre 2, 2017 naaresto ang apat ka mga persona nga ginkilala kanday Angelito Belarmino Ulangkaya, 57-anyos, may-asawa kag ballot vendor.
Naaresto man ang bata sini nga ginkilala kay John Michael Angelo Ulangkaya , 23-anyos , estudyante kag pareho residente sang nasambit nga lugar.
Lakip man sa naaresto sa nasambit nga operasyon ang ginkilala kay Freeman Wong Ulangkaya, 38 –anyos , single, jobless kag residente sang Brgy. Katungal, GM Homes Zone 1, Tacurong City kag Rahib Safer Abdullatif, 30 –anyos, negosyante kag residente sang Malingao, Shariff Aguak, Maguindanao.
Nakuha sa mga suspek ang more or less 30 grams sang suspected Methamphetamine Hydrochloride ukon “shabu” nga may street value nga P 330,000.00 , P1,000.00 marked money, 1 ka small paper nga may unod nga dried marijuana leaves, 2 ka improvised all – weather tooter, 1 ka improvised marijuana aluminum steel pipe nga may unod nga dried marijuana leaves, 1 ka improvised disposable lighter nga may aluminium foil needle, 2 disposable lighters, 1 black case sang eyeglasses, 1 ka gunting, 2 ka improvised stainless steel shabu pulveriser, 2 ka large empty transparent plastic sachets kag 3 ka elongated empty transparent plastic sachets.
Samtang alas 7:50 naman sang gab-i sa amo nga adlaw sa ginpatigayon nga search operation sang Pdea 12 sa Brgy. Tinoto, Maasim, Sarangani Province naaresto sang operatiba ang target sini nga ginkilala kay Elizia Sairani Somatra, watchlisted, 47-anyos negosyante kag residente sang nasambit nga lugar.
Nakuha naman sa iya nga posisyon ang 10 grams sang suspected shabu nga nagakantidad sang P110,000.00 , 1 ka brown hand bag may unod nga bank cashcard kag 1 pa ka black handbag nga may unod naman nga senior citizens ID’s kag passbook.
Kaso nga pagbayolar sa Section 11 ang ipasaka batok kay Elizia Somatra , samtang Sections 5, 11, 13 kag 14 sang Republic Act 9165 ang ipasaka batok kay Angelito Ulangkaya kag sa mga kaupod sini.
Sa subong nakadetine sa PDEA 12 Detention Facility ang mga suspek.
photo by:PDEA 12
