5 arestado sulod sa drug den

Davao City – Na-dismantle sa Philippine Drug Enforcement Agency XI ang drug den sa Block 13, Lot 12, Emerald Street, Barangay Pampanga ning syudad.

Sa interbyu sa RMN Davao kang PDEA XI Asst. Regional Director Atty. Behn Tesiorna nga malampuson nilang nadakpan ang target sa maong operasyon nga si Rainer Sandoval giingong drug den maintainer ug Joven Wabina kinsa positibong napalitan sa PDEA Agent og shabu nga nagkantidad og P15,000.

Lakip usab sa naaresto ang lain pang tulo ka mga suspek kinsa naabtan sulod sa maong drug den nga sila Lionel Dela Cruz, Almar Impas ug Sherwin Martin.


Matud ni Tesiorna narekober usab sa PDEA ang anaa sa 11 gramos kun P165,000 sa shabu atol sa maong buy bust operation.

Pasakaan og kasong may paglapas sa RA 9165 ang lima ka mga drug suspects kinsa detinado katon sa detention facility sa PDEA.

RadyoMaN Aimee Guinita

Facebook Comments