South Cotabato—gisikop ang 5 ka mga armadong lalaki kansa gikaingong myembro sa Platoon Samsung Guerrilla Front 73 sa New People’s Army (NPA) alas 4:00 ang takna sa hapon sa nakalabayng adlaw sa may Sitio Datal Ligaw, Barangay Tasiman, Lake Sebu, sa hiniusang pwersa sa Lake Sebu MPS ug 27th IB, Philippine Army.
Subay sa report nahinagbuan sa tropa sa awtoridad ang mga aarmadong lalaki samtang sila nagpahigayon ug police visibility ug prophylactic patrol didto sa maong lugar.
Ang mga nadakpan giilang silang si Encarnacion Comelio Sangco, 53, bana ni Kumander Billy nga sakop sa platoon Samsung Guerrilla front 73 ug residente sa Barangay Libak, Senator Ninoy Aquino, Sultan Kudarat, Roland Kulaman Joland alias Karding, 19, Joey Inson Salon, alias Jack, 24, minyo, Hannah Blasan Adam, 18, dalaga, pulos residenti sa Sitio Datal Ligaw, Barangay Tasiman sa nasambit nga lungsod, Bryan Dialoring Muca alias brown, 21, residente sa Barangay Kabasagan, Matan-aw, Davao del Sur.
Nakuha sa posisyon sa mga nahisgutan ang 2 ka Granada, usa ka calibre 45 nga pistola nga may magazine nga may (5) ka mga bala, (1) ka 9mm nga dunay magazine ug lima ka bala, (1) unit sa calibre 357 nga tulo ka mga bala.
Kasong kalapasan sa RA 10591 ug RA 9516 ang ipasang-atnga kaso batok samga nahisgutan kansa balhog karon sa silda sa Lake Sebu Municipal Police Station.
