5 atleta di makadula sa Palarong Pambansa

1680

Davao City – Dili na matugutang makadula pa atol sa Palarong Pambansa 2019 dinhi sa dakbayan sa Davao ang lima ka mga atletang gikan sa nagkadaiyang rehiyon sa nasud.

Atol sa interbyu sa RMN Davao kang City Health Office head Dra. Josephine Villafuerte nga dili physically fit o adunay mga ginahambing balatian ang maong mga delegado.

“So far 5 were not allowed. We have agreed kasi na dapat magdating ka as player dapat fit. We regret to tell them na they cannot play. They are not allowed to play because the other has an abscess, the other one has chickenpox but isolated already, the other one is being treated for dengue,” matud niini.

Gitin-aw ni Villafuerte nga wala usab nakuha sa maong atleta ang dengue dinhi sa syudad.

Matud ni Villafuerte nga ang lokal nga panggamhanan ang muabaga sa bayrunon sa Southern Philippines Medical Center pinaagi sa Lingap.

Sa kasamtangan usa nalang sa lima ang nagpabilin pang ginatambalan sa ospital.

Gibutyag ni Villafuerte nga ang mga atletang wala gitugutang makaapil sa kumpetisyon igo nalang mamahimong audience ug i-enjoy nalang ang pagbisita dinhi sa lungsod.

Hugot nga gidili usab ngadto sa mga atleta ang pagkaon og mga streetfoods.

Aron usab masiguradong luwas kontra lamok nga gadalang dengue ang mga partispante nagpahigayon na og fogging ang CHO.

Subay niini adunay mga doktor ug nars ang 24/7 nga naka-duty aron daling marespondehan ang mga concerns sa mga delegado.

RadyoMaN Aimee Guinita

Facebook Comments