Cauayan City – Namayagpag at humakot ng medalya ang limang math wizards mula sa lungsod ng Cauayan matapos na sumabak sa Mathematical Olympiad.
Kinilala ang mga little Math Wizards na sina Terrence Joseph Matt Niño, Zaille Jean Alvarez, John Zoelle Alvarez, Julian Jay Zamudio, at Centennial Blessing Nicolas, pawang mga mag-aaral ng Cauayan South Central School.
Nakapag-uwi sina Terrence Joseph Matt Niño, Zaille Jean Alvarez, at Centennial Blessing Nicolas ng silver medal sa Guandong-Hongkong-Macao Greater Bay Area Mathematical Olympiad.
Samantala, itinanghal naman bilang Silver Medalist si Julian Jay Zamudio sa Thailand International Mathematical Olympiad (TIMO), habang maging sina Zaille Jean, Centennial Blessing, at John Zoelle Alvarez ay nakamit rin ang Bronze Medal.
