General Santos City—Wala nakalahos sa ilang trabaho ang 5 ka mga Guest Relation Officer human nga na hit and run ang ilang gisakyang tricycle sa may Zapote Street corner Quirino, Barangay East, Gensan.
Mga biktima itago lang sa pangalang Lily, Norma, Angel, Love ug Wilma, pulos legal age, mga lumulupyo sa Gensan.
Subay sa inisyal nga imbistigasyon sa kapulisan nasutan nga padulong unta sa ilang trabaho ang mga biktima apan pag-abot sa lugar, sila nabanggaan ug kotse nga kolor puti nga miresulta sa pagbalintong sa ilang gisakyang tricycle.
Inay tabangan ang mga biktima nipasutoy ug padagan sa iyang sakyanan ang wala mailhing driver. Hinuon gitabangan man sa mga by stander ang mga biktima kansa gidala sa ospital ang mga nahisgutan.
Nasayran nga nakaangkon ug mga bun-og ug samad sa kalawasan ang mga biktima apil na ang driver sa tricycle. Nag padayon pa usab ang gihimong imbistigasyon sa kapulisan kalabutan sa maong insidenti.
