Davao City- Dili pa makasalmot ang lima ka mga giendorsong tulunghaan sa syudad sa Davao sa unang hugna sa pilot face to face classes karong Nobyembre 15, 2021.
Sumala ni Department of Education XI Spokesperson Jenielito Atillo, anaa sa walo ang mga eskwelahan sa entero Davao Region unang musulay sa face to face classes.
Segun ni Atillo, girekomendar sa DepEd nga ang lima ka mga eskwelahan sa Davao maapil sa sunod pa nga batch.
Gibutyag ni Atillo, giandam na usab ang masterlist sa mga estudyante sa lima ka mga eskwelahan nga maapil sa limited face to face classes apan depende sa mamahimong assessment sa COVID-19 cases sa maong lugar.
Kahinumduman nga gibutyag ni Davao City Mayor Sara Duterte-Carpio sa city-owned radio nga ang Dalagdag NHS sa Brgy. Dalagdag, G. Tajo NHS sa Brgy. Lampianao, Saloy NHS sa Brgy. Saloy, Mabuhay ES sa Brgy. Mabuhay Gumitan ES sa Brgy. Gumitan napili subay sa ranking sa Coronavirus Disease 2019 (COVID-19) risk assessment.
RadyoMaN Aimee Guinita
