5 ka kilo sang marijuana nakumpiskar sa buy-bust operation sang Pdea 12.

Nagalab-ot sa 5 ka kilo sang marijuana dried leaves ang nakumpiskar sa ginpatigayon nga buy-bust operation sang Philippine Drug Enforcement Agency o PDEA 12 sa Purok Atisian, Brgy. San Roque, Koronadal City, South Cotabato, alas 6:30 kagab-i, September 28, 2017.
Naaresto naman ang suspek nga ginkilala kay Ferdinand Oñas Lumawig, Alias “DINAN” high value target, 49 –anyos, vendor kag residente sang nasambit nga lugar.
Nagakantidad naman sa 150,000.00 ang mga nakumpiskar nga marijuana sa nasambit nga suspek.
Kaso naman nga pagbayolar sa Section 5 kag 11 sang Republic Act 9165 ukon Comprehensive Dangerous Drugs Act of 2002 ang ipasaka batok sa suspek nga sa subong yara sa PDEA 12 Detention Facility.

Facebook Comments