Tungod sa danyos sa epekto sa pag-ataki ni Bagyong Basyang dinhi sa Caraga, Mokabat sa lima ka mga tulay ang gikonsederang kritikal karon sa DPWH Caraga basi sa gihimo nga assessment sa Disaster Risk Reduction Management Team sa DPWH 13.
Ang lima ka mga tulay nga gikonsederang kritikal mao ang Puyo Bridge sa Jabonga, Jaliobong Bridge sa Kitcharao, Timamana Bridge sa Tubod, Magtiaco Bridge sa Alipao, Alegria ug Baloran Bridge sa Alegria, Surigao del Norte.
Sumala pa nga sa karon padayon ang monitoring sa situation sa maong mga tulay diin nag-isyu karon ang DPWH ug code red tungod kay nahimutang ang maong mga tulay sa may Daang Maharlika (Surigao-Agusan Section) nga nag-unang arterial road sa land transport gikan sa Northern Mindanao padulong sa Eastern Visayas.
